"Tiran Me"

Yaku pang palit kang Murdock king pwestu na. Dream come true ya ini para kanaku. Sa wakas. Siguru ding dakal kekayung readers ku eyula antinjan ding alwang sabyan ku kasi meju focus ya ini king biye mi keng kilub iskwela. Ing buri namu nining blog a ini, apalwal mi ing hinahanakit mi kareng bage-bageng patungkul keng iskwela mi, ing AUF.

1. Before ku mang-okray, buri ku la pang i-welcome ding mangalagu ampong mangapoging freshies tamu. Sana lumba kayu ehehe. Abalitaan ku 5years ne kanu ing karela, kasi karela de inumpisan ing bayung curriculum ng CON.

2. Meju mebilis ing pamangwang grades ngeni ah, e kalupa anyang 2nd sem na talagang maka-highblood. Sana king enrollment mabilis narin. Magtaka kumu kasi meturingan tamung "center of excellence in IT education" tapus sobra kabagal ing procedure keng enrollment pati potang maglingun ng clearance.

3. Sana ngening daratang a pasukan gawa nala ding aircons kareng alwang rooms keng IT 5th floor. Madalas kasi karin kami mag-take major exams. Alang-alang habang magtest kami, sasabo kami kili-kili. Sayang na laman ding babayad mi.

4. Sosyal nala ding bayung CRs tamu ngeni keng Main building ah. Masanting lapa king kwaru ku, saka manyaman matudtud karin kasi ating aircon. Pero sayang nala man detang lunanang liquid soap kung lagi lang alang laman. Nanu la reta, design lamo?

5. Sana pagawa dala rin ding CRs keng twin building kasi makadiri ng lulub kasi meju mabuluk na la.

6. One day, ikit ke i Dr.Z maglakad ya keng corridor, ating siniklod kayang C.I. Sabi ku keng sarili "wow, marespetu la talaga ding AU". Pero me-shock ku anyang meko ne itang C.I, sabe pulis king gamat ng Dr.Z king blazer na, mendiri yapa ata. Mimisip kupin kung oily ya ing forehead na nitang C.I. or talagang mayarti yamu i Dr.Z.

7. Dakal na sasabi na potang lulwal ya i Dr.Z king lungga na balamu kanu biyernes santu ya lupa. Ding alwa naman sabi da balamu kanu sinoso de king aslam ing lupa na. Akasalubung me man enaka pansinan. Eka manakit smile king lupa na. Just want to remind you na mas nakakapagod ang maging sad. hehheheh bakit ka sad? gets?

8. Kareng Blown Horns, nakong pangakatas standards, eengot-engot nako man. Magsasabiyasa.

O sha...ken namung susunud, maranup naku kasi. Mgcomment na kayu mu.

"Agyu Tamu"

Makainip ne? Nanu naping oras enaku parin daratangan ning tundu(aroung 12mn). kung nanu nanu napin ing aiisip ku. Nakung karakal buring gawan king biye ku. Bisa kung mabyasang maglutu, magphotography, magpainting, magtindang sariling tshirt, maglibut keng aliwa-wang lugar. Ing masaki mu pin, ala kung pera para agawa ku ing buri ku. Sana datang ing aldo na agawa kuna ing buri kung gawan ne? Bisa kuring magobra anya mu pin, balamu makamalas ku, sunud-sunud ing kamalasan a denasan alawa mu yaku pati ring alwa kung kaklasi uli na ning pangatanggal mi keng panga-skolar. Ita mu pin ing paralan para makapagaral ku e, kasi ala na kami man talagang pera. Aminan ku naman na atin ku ring gewang e mansating king pagkatanggal ku e. Pero sana memye ya jang ditak mung konsiderasyun tang teacher ku keng ****. Marakal muring mesirang pangarap king gewa na. Aminan ku rin na atin kung sakit lub kaya kasi eya meging fair, king section mi minurang 85 pababa tapus kabud nala mu dinan deng adwa kung kaklasing cha line-of-nine. Eka ba naman mabuset? Jang makananu keng isipan, unfair ya pa rin ita. Buri ku ring pabalu kaya na mas marakal kupa abalu kareng "hand-outs" kesa keng pamag-discuss na. Sabi mu pamo combination naka ring egana-ganang teacher. So, expected kuna na magaling ka, pero ALI pala. Saka sabyan ku keka, eya pagbasihan ing kabyasnan keng karakal mung apa-gaga. Makasora ka.

April 17,2008- sibukan kung magapply pasibayu keng call center(migapply naku kasi kareng alwang company before pa mayari ing klasi). Pero balamu ata atin kung maragul a balat king buldit ku king kamalasan ku. Kalambat ku pamong menenaya para abalu ku ing result na ning exam(first step king pamag-apply keng IQOR). Pero ala pa mu rin, mibagsak ku ketang online exam(eku pin balu bakit e, easy yamu kasi tang exam). Linwal naku mu kanta anyang abalu ku na eku pasadu. Sinake kung jeep, mekisiping ku keng driver. Habang mamandar ya ing saken, makalawe ku rugu king dalan. Magmulala. Eku rugu balu nanung panandaman ku. Amalayan ku namung atchu naku king Clark Maingate(babaan) anyang megsikuldasan nala ring pasaherus. Sinake naku na namang jeep pauli. Minuli kung papasyuk. Kauli ku, kitnan nakung maku kung metanggap ku, sabi ku naman "ali ku", ana naman "makamalas ka boy". Ahaha makatula pero tutu, malas ku pin.

Anjang makanta ing milayari kaku, kekami. Mamasa ku parin na atin muring datang swerti. Basta manaya kamu. Sabi da pin "everything happens for a reason". Ena naman ibye ning Ginu kung ali tamu agyu. Etamu dapat mawawalang pag-asa. Basta misawup sawup tamu. Agyu tamu.